ភ្លាត់ស្នៀត អ្នកបើកបររថយន្តបែនដឹកដីម្នាក់បានស្លាប់ដោយធុងបែនគាប
20-July-2016 | ដោយ មែន កំសត់
ព្រះសីហនុ ៖បុរសអ្នកបើកបររថយន្តបែនដឹកដីម្នាក់ បានស្លាប់ដោយសារតែ បែនរថយន្តធ្លាក់មកសង្កត់គាបជាប់ និងកន្ទុយបែនរថយន្តនោះ។ ហេតុការណ៍បានកើតឡើងនៅចំណុចកោះថ្មី ក្រុមហ៊ុនចិនយិជៀ ស្ថិតក្នុងភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ កាលពីយប់ថ្ងៃ១៩ កក្កដា២០១៦។
របាយការណ៍ពីកងរាជអាវុធហត្ថបានឲ្យដឹងថាជនរងគ្រោះឈ្មោះឆាន វណ្ណឆាយ ភេទប្រុសអាយុ២៤ឆ្នាំ មុខរបរបើកបរមានទីលំនៅភូមិ អូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ បានគាបជាប់នឹងបែនរថយន្តម៉ាក ម៉ុងហ្គោ ពណ៌ទឹកប៊ិចពាក់ស្លាកលេខ ព្រះសីហនុ3A0422ជារថយន្តដែលជនរងគ្រោះបើកបររាល់ថ្ងៃ។
តាមការសន្និដ្ឋានករណីកើតឡើងដោយសារបញ្ហាបច្ចេកទេសឬដោយការ ភ្លាត់ស្នៀតរបស់ជនរងគ្រោះ ពេលបញ្ជាលើកដាក់កន្ទុយបែនរថយន្ត។ បច្ចុប្បន្នសាកសពត្រូវបានសាច់ញាតិនាំយកមកធ្វើបុណ្យតាមប្រពៃណី៕
ចំនួនអ្នកទស្សនា
- ថ្ងៃនេះ1231
- ម្សិលមិញ6261
- សប្តាហ៍នេះ19611
- ខែនេះ134761
- ឆ្នាំនេះ134761
- សរុប20577217